urn:lj:livejournal.com:atom1:kyta_kyta Дзёньнік дарослай жанчыны kyta_kyta 2038-01-19T03:14:07Z urn:lj:livejournal.com:atom1:kyta_kyta:41562 2038-01-19T03:14:07Z 2038-01-19T03:14:07Z Лялькі (з размовы з маці)<br /><br />-- Ёсьць рэчы, за якімі хаваецца жах. Самыя звычайныя рэчы, але за імі стаіць неверагодны жах. <br />-- Напрыклад? <br />-- Лялькі.<br />-- Чаму? <br />-- Магічны прадмет. Як і кожная цацка.<br />-- Так яно і ёсьць. Усе гліняныя дзіцячыя цацкі першапачаткова былі паганскай скульптурай. Выкарыстоўваліся ў абрадах. Лялькі таксама выкарыстоўваліся ў абрадах. У чорнай магіі, ты ж ведаеш, пратыкаюць лялькі чым-небудзь, калі хочуць нанесьці шкоду. Альбо наадварот. Маніпулююць лялькамі, маючы на ўвазе пад лялькамі чалавека.<br />Лялечны тэатр. Таксама старажытны. І ў антычныя часы быў лялечны тэатр. Там лялькі ажывалі, гэта чараўніцтва такое было. <br />-- Для мяне лялькі – нешта страшнае.<br />-- Гэта ня толькі для цябе. Ведаеш колькі розных страшылак ёсьць пра лялек? А фільмаў жахаў з лялькамі? Памятаеш фільмы, дзе ажываюць жахлівыя лялькі? <br />-- Так, вось і ў мяне такое ўражаньне.<br />-- Ня толькі ў цябе. Шмат хто гаварыў, што не любіў у лялькі гуляць. Нейкі час нават модна было. Калі я вучылася ў Маскоўскім універсітэце, дзяўчаты любілі сказаць, што яны “цярпець не маглі лялек”. Але не, мяне лялькі ніколі не палохалі, наадварот, я іх шкадавала. Асабліва я шкадавала іх, калі яны былі паламаныя ці пабітыя.